خسرت اصدقاء وكسبت اصدقاء اكثر
توطدت علاقات وتاه منى اشخاص ولكنهم مازالوا بالبال
عدت كما كنت الثرثار تافه الاحاديث
اسف كنت قد ارتحكم من عناء تحمل تفاهاتى وصداعى اليومى ولكن حمى الكتابه عادت لى حامله لكم لعناتى
ههههههههههههههههههه
اشعر بروح الكتابه تداعب يدى اليمنى فاليسرى فالجبس بعد اخر عمليه لى
الحمد لله خلصت عمليات واتمنى انكم تكونوا لسه بتدعولى
لسه ادامى مشوار علاج طويل ولكنى حامل لكم اكثر من خبر
اولا انى بكتب روايه ولكن للاسف استريت معلش انا نفسى اوى يتنشرلى روايه وهو برضه الاستريت يشيلوا حبه عنكم ولا انتوا عاوزين تتورطوا فيا لوحدكم
ثانيا انا هرجع اكمل قصه مصطفى
وقريب قصه دارت الايام الى احداثها حقيقه بنسبه كبيره
هيكون كل اسبوع فصل من اى القصتين
ثالثا هيكون فى نشره اخبار اياد الاسبوعيه على مدونتى شخابيط اياد
متابعه لكل مدونات الجاى واهم ما كتب فيها ونظره فاحصه لهم عن كثب
رابعا مش هنقطع تانى عن الكتابه لان حسيت ان البنادول سحبه فى السوق قل فتعاونا مع الشركه المصنعه رجعت
خامسا انا بقيت سينجل وده خبر لا يستحق الذكر ولكنى اثرت ذكره حتى لا يفوتكم شيئ
سادسا بالنسبه ليوم فى حياتى هصدرها فى اقرب وقت كسيره ذاتيه لى
هتتضمن مراحل كتيره من حياتى وهتكون باسم جديد
سابعا وده اهم بند وحشتونى جدا
وبجد الكتابه وحشتنى
ثامنا لن اضع مواعيد لا للقصص ولا للنشره الاسبوعيه لانى استاذ ضرب مواعيد والتاريخ يشهد بقوه
